រឿងធ្វើផ្ទះចំលើរណ្តៅកប់ខ្មោច

តើអ្នកដឹងទេថាតើនិងមានអ្វីកើតឡើងនៅពេលដែលយើងធ្វើផ្ទះនៅលើរណ្តៅកប់ខ្មៅ?
មានប្តីប្រពន្ធមួយគូរដែលមានកូនប្រុសមួយនិងកូនស្រីមួយហើយគ្រួសារមួយនេះគឺរស់នៅដោយ
មានសេចក្តីសុខនិងសុភមង្គល។​ ថ្ងៃមួយដោយសារតែផ្ទះរបស់គាត់រាងតូចចង្អៀតនិងចាស់បន្តិច ផងនោះគាត់ក៏សំរេចចិត្តទិញដីមួយកន្លែងសំរាប់ធ្វើផ្ទះថ្មីព្រោះកូនគាត់ទាំងពីរក៏ធំៗណាស់ដែរទៅ
ហើយតែរឿងមួយដែរនឹកស្មានមិនដល់គឺពេលដែលគាត់ចាប់ផ្តើមឈានជើងចូលទៅនៅក្នុងផ្ទះថ្មី
របស់គាត់និងមានរឿងអ្វីកើតឡើង?រឿងនេះមានដំណើរដូចតទៅ...

កាលពីប្រាំមុននៅក្នុងខេត្តរតនគីរីមានគ្រួសារមួយដែលមានជីវភាពធូរធារជាងគេនៅក្នុងភូមិគឺ
គាត់មានឈ្មោះ សុផាត និង​ ប្រពន្ធឈ្មោះនាងនី ពួកគេមានកូនពីរនាក់។​ ថ្ងៃមួយពួកគេបានទិញដីមួយកន្លែងដែលនៅជិតនិងជើងភ្នំសំរាប់ធ្វើផ្ទះព្រោះនៅទីនោះមានទេស
ភាពស្រស់ស្អាតណាស់ហើយវាក៏នៅមិនឆ្ងាយប៉ុន្មានពីផ្ទះចាស់របស់គាត់ដែរ។ ពេលដែលទិញដីរួចគាត់ក៏អោយជាងមកធ្វើផ្ទះនោះរំលងបានប្រមាណជាប្រាំមួយខែផ្ទះថ្មីមួយបាន
លិចឡើងយ៉ាងស្អាតប្រណិឌគួរជាទីចង់ស្នាក់អាស្រ័យណាមួយនៅទីនោះមានទេសភាពនិងម្លប់ដើម
ឈើត្រជាក់ក្រៃលែង។ ប៉ុន្តែមានប្រផ្នូរអាក្រក់មួយដែលបានកើតឡើងនិងគ្មាននាក់ម្នាក់ចាប់អារម្មណ៍នោះទេព្រោះមុន
និងផ្ទះនេះសាងសង់រួចមានជាងម្នាក់បានដេកស្លាប់នៅក្នុងការដ្ឋានសំណង់មួយនេះដោយមិនដឹង
ពីមូលហេតុអ្វីឡើយ។ប៉ុន្មានថ្ងៃក្រោយមកពូ សុផាត និង មីងនី ក៏នាំគ្នារើអីវ៉ាន់ពីផ្ទះចាស់មកនៅ
ឯ
ផ្ទះថ្មី របស់គាត់។ មុននិងចូលនៅផ្ទះថ្មីពូផាតគាត់មិនបានសែនព្រៀននិងមិនបានធ្វើពិធីឡើងផ្ទះ អ្វីនោះទេព្រោះពូផាត គាត់ជាមនុស្សម្នាក់ដែលមិនជឿទៅលើអពៃជំនឿរសោះតែម្តងលើសពីនេះទៅ ទៀតដី ដែលគាត់សាងសងផ្ទះក៏មិនបានរកគ្រូម៉រអ្វីមើលនោះដែរ។
ពេលដែលគាត់រៀបចំអីវ៉ាន់រួចរាត្រីកាលក៏ចូលមកដល់ពូផាតមីងនីនិងកូនៗក៏បាននាំគ្នាញ៉ាំអាហារ ពេល យប់នៅក្រោមពន្លឺព្រះចន្ទ័ដល់ស្រទន់ដែលចាំងជះមកលើផ្ទះថ្មីដល់ស្រស់ស្អាតរបស់គាត់។ ពេលដែលបរិភោគអាហារពេលយប់រួចពួកគាត់ក៏នាំកូនៗចូលគេងលុះព្រឹកឡើងអ្វីដែលចម្លែកនោះ
គឺមានអ៊ំម្នាក់នៅក្នុងភូមិបានសួរគាត់ថា<< នែរ អាផាត យីយប់មិញទៅនៅផ្ទះថ្មីផឹកទល់ភ្លឺតែម្តងណ៎!​ ហើយមានពីណាគេខ្លះនិងពូមើលទៅដូចមិនមែនអ្នកភូមិយើងទេ>> ពេលពូផាតលឺដូចនេះគាត់ក៏មិនតបអ្វីដែលរួចហើយគាត់ក៏ដើរទៅផ្ទះចាស់គាត់ទៅហើយគាត់គិត
ក្នុងចិត្តថា <<យប់មិញប្រហែលជាអ៊ំនោះស្រវឹងហើយបានឃើញអញនៅផឹកទល់ភ្លឺ>> ហើយគាត់ក៏មិន បានចាប់អារម្មណ៍ទៅនិងពាក្យសំដីលោកអ៊ំនោះទៀតដែរ។
តែប្រមាណជារយះពេលកន្លះឆ្នាំចុងក្រោយបន្ទាប់ពីពូផាតបានទៅរស់នៅផ្ទះថ្មីនោះគាត់រកស៊ីចេះតែ
ខាតរហូតដល់ថ្នាក់ជំពាក់លុយគេរាប់សិបលានរៀល។​ ស្រាប់តែនៅរាត្រីពេញបរិមីមួយបានឈានមកដល់ដែលមានព្រះចន្ទ័មូលក្រឡងគួរជាទីគយគន់តែ
ទីនេះភាពស្ងាត់ស្រងមគួរអោយសង្វែកពូផាតកំពុងគេងមើលព្រះចន្ទ័ស្រាប់តែលក់មួយស្របកពេល
នោះគាត់យល់សបឃើញមានយាយចាស់ម្នាក់និងក្មេងជំទង់ប្រហែលជាដប់នាក់ស្លៀកសំលៀកបំពាក់
បែបបុរាណមើលទៅគួរអោយខ្លាចបានដើរចេញពីគ្រិះផ្ទះរបស់គាត់ហើយប្រាប់ថាអោយគាត់វ៉ៃផ្ទះនេះ
ចោលទៅព្រោះពួកគេរស់នៅវេតនាណាស់ព្រោះអីសាកសប់របស់ពួកគេទាំងអស់គ្នានៅក្រោមគ្រិះផ្ទះ
របស់គាត់ហើយយាយម្នាក់នោះក៏បាននិយាយទៅកាន់គាត់ថា​ << បើឯងមិនវ៉ៃផ្ទះនេះចោលទេយើង និងសំលាប់ឯង​ !​ >> ដោយពូផាតភ័យពេកក៏ភ្ញាក់ពីយល់សបហើយខ្លួនរបស់គាត់បែកញើសជោគ ឃើញដូចនេះ មីងនី ដែលជាប្រពន្ធក៏សួរ​មានរឿងអីឪវា? បន្ទាប់គាត់ក៏ប្រាប់ប្រពន្ធគាត់តាមតំណើររឿង។​ ពេលមីងនីដឹងរឿងសព្វគ្រប់ក៏បបួរប្តីលក់ផ្ទះនេះចោលទៅតែពូផាតជាមនុស្សម្នាក់ដែលមិនជឿលើ
អាពៃជំនឿនិងស្រលាញ់ផ្ទះផងនោះគាត់ក៏និយាយថានេះគ្រាន់តែជាសុបិនតែប៉ុណ្ណោះទេខ្មោចតាវាងាប់
គឺវាងាប់ហើយ! ហើយគាត់ក៏និយាយទៀតថាពួកបើអ៊ែងខ្លាំងពួកអ៊ែងចេញមកសំលាប់អញមកអញមិនខ្លាចពួកអា
ខ្មោចអត់មានទីជំរកនៅបែបនេះនោះទេនិយាយរួចគាត់ក៏ចូលគេងជាមួយប្រពន្ធគាត់ទៅ ។ប៉ុន្តែរឿងមួយទៀតដែលនឹកស្មានមិនដល់នោះគឺពេលព្រឹកឡើងស្រាប់តែពូផាតបានចងករនិងធ្នឹម
នៅពីមុខផ្ទះស្លាប់យ៉ាងអាណោចអាធមជាទីបំផុត។ បន្ទាប់មកខ្មោចរបស់គាត់ក៏ត្រូវប្រពន្ធរបស់គាត់ ធ្វើបុណ្យតាមប្រពៃ។ ហើយផ្ទះនោះក៏បានត្រូវប្រពន្ធគាត់លក់អោយគេបាត់ទៅហើយគាត់ក៏មករកនៅឯស្រុកកំណើតវិញ
ហើយក៏មិនដឹងថានិងមានរឿងអ្វីកើតឡើងចំពោះម្ចាស់ផ្ទះដែលទៅរស់ក្រោយនោះដែរ។​

អ្នកភូមិបាននិយាយពីម៉ាត់មួយទៅម៉ាត់មួយថាការស្លាប់របស់ពូផាតគឺបណ្តាលមកពីខ្មោចនាំអោយ
គាត់ចងករព្រោះគាត់និយាយអោយខ្មោចខឹង។
ដូចពាក្យមួយដែរប្រជាជនខ្មែរយើងតែងតែនិយាយថា <<​ បើមិនជឿសូមកុំប្រមាថ >>
អគុណសំរ៉ាប់ការទស្សនាពីដើមដល់ចប់ !

រៀបរៀងដោយ : ឆែម ពិសាល

Read More»

រឿងខ្មោចដណ្ដើមផ្ទះនៅ

បន្ទាប់ពីរៀបការបាន ៧ ថ្ងៃ ស្រីទូចបាននាំប្តីចេញទៅស៊ីឈ្នួលគេនៅស្រុកឆ្ងាយដោយទុកផ្ទះចោល លុះវិលមកវិញស្រាប់តែមានខ្មោចស្រីបណ្តើរកូន ២នាក់ មកដេញនាងឱ្យចេញពីផ្ទះ។ ឥឡូវនាងនិង ប្តីមិនហ៊ានរស់នៅក្នុងផ្ទះនេះទៀតទេព្រោះជឿថាស្រីមានផ្ទៃពោះម្នាក់ ដែលចងកសម្លាប់ខ្លួនក្រោយ ផ្ទះពិតជាព្រលឹងវិលវល់ចង់បានផ្ទះនៅ…។ ដំណើររឿងមានដូចតទៅ..... ស្រីទូចជានារីម្នាក់រស់នៅស្រុកត្រាំកក់ខេត្តតាកែវនាងមានវ័យ១៩ឆ្នាំជាកូនទី៦ក្នុងចំណោមបងប្អូន ៩នាក់ឪពុកម្តាយរបស់នាងស្លាប់អស់ហើយ។ នាងរស់នៅក្រោមបន្ទុកបងជួយការងារស្រែចម្ការគាត់ និងត្រូវបងលើកឱ្យមានប្តីអាយុបងនាង៥ឆ្នាំដោយបានរៀបការកាលពីឆ្នាំ២០១២។ លុះរៀបការហើយបាន៧ថ្ងៃស្រីទូចក៏នាំប្តីប្រពន្ធចេញទៅស៊ីឈ្នួលរើសផ្លែចន្ទីឱ្យគេ នៅខេត្តរតនគិរី។ ពួកនាងបិទទ្វារផ្ទះចោលដោយផ្ទះនោះឪពុកម្តាយក្មេកចែកឱ្យរស់នៅតែ២នាក់ប្តី។លុះទៅស៊ីឈ្នួលគេ បានជិត ១ខែ ក៏វិលត្រឡប់មកផ្ទះវិញដើម្បីរៀបចំបោសសម្អាតផ្ទះព្រោះទៅចោលយូរពេកក្នុងផ្ទះសុទ្ធ តែធូលី។ ពេលដេកយប់ទី១មិនទាន់មានអីកើតឡើងទេលុះឈានដល់យប់ទី២នាងក៏បានយល់សប្តិឃើញស្រីម្នាក់ រាងខ្ពស់ស្រឡះសម្បុរសណ្តែកបាយបានមកសុំផ្ទះនាងជ្រកកោននាងក៏ព្រមឱ្យនៅ។លុះដល់យប់ទី៣នាង មិនយល់សប្តិដូចមុនទេបែរជាឃើញស្រីដដែលនោះបណ្តើរកូនតូចៗ២នាក់ឡើងមកលើផ្ទះរួចដេញនាង តែម្តងប៉ុន្តែនាងមិនព្រមចុះចេញទេស្រីនោះក៏ចេញទៅវិញបាត់ទៅ។ ស្រីទូចនាងមិនបាននិយាយរឿងនេះប្រាប់អ្នកណាទេដោយស្មានថាស្រីបណ្តើរកូននោះជាមនុស្សឆ្កួតវង្វេង ក៏ចេះតែហីៗទៅ។លុះយប់ក្រោយមកទៀតនាងដេកមើលទូរទស្សន៍រហូតដល់ម៉ោង១១យប់ក៏ស្រាប់តែឃើញ ស្រីបណ្តើរកូននោះមកដល់ម្ដងទៀតដោយបានលើកដៃចង្អុលមុខនិងដេញនាងឱ្យចេញពីផ្ទះព្រោះគេត្រូវការ នាំកូនចៅគេមករស់នៅលើផ្ទះនេះ។ស្រីនោះសម្លក់សម្លឹងនាងយូរៗទៅស្រាប់តែភ្នែកឡើងក្រហមត្លែមុខក្រ ហេតក្រហតដែលមើលឃើញតែនាងម្នាក់ប៉ុណ្ណោះចំណែកឯប្តីនៅជុំគ្នាដែរតែមើលមិនឃើញស្តាប់មិនឮសម្តី ស្រីនោះនិយាយទេ។ដោយសារតែនាងមិនព្រមចេញបែបនេះស្ត្រីចម្លែកនោះនៅតែមកដេញនាងទាំងភ្នែក ស្រស់បែបនេះរយៈពេល ១ខែពេញឯណោះ។ ដោយនាងដឹងថាជាខ្មោចដែលមកតាមលងរំខានរាល់យប់បែបនេះនាងក៏បានព្យាយាមនិយាយរៀបរាប់ ប្រាប់ប្ដីប៉ុន្តែទោះជានាងខំនិយាយយ៉ាងណាក៏គេមិនជឿដែរនឹងតបមកថានាងចេះតែស្រមើស្រម៉ៃប៉ុណ្ណោះ។ នៅយប់ចុងក្រោយស្ត្រីចម្លែកនោះក៏មកសារជាថ្មីទៀតថែមទាំងបានទះកំផ្លៀងនាងមួយដៃឡើងជាំថ្ពាល់ នាងក៏ប្រាប់ប្ដីនិងឪពុកម្តាយក្មេកទើបពួកគាត់ជឿថាពិតជាខ្មោចស្រីពោះធំម្នាក់ដែលចង-កសម្លាប់ខ្លួន នៅក្រោយផ្ទះនោះ មកលងដណ្តើមផ្ទះនៅតែម្តង។ វេលាយប់មកដល់ពួកគាត់ក៏បានចាត់កូនក្មួយអោយមកដេកកំដរនាង១០នាក់ឯណោះដោយចាប់អំពូល ភ្លើងអាគុយ ភ្លឺពេញមួយយប់.... ប៉ុន្តែខ្មោចស្រីនោះនៅតែមកដេញតែនាងម្នាក់ឯងដដែល... ធ្វើ ឱ្យអ្នកមកដេកកំដរ មានការភ័យខ្លាចលែងហ៊ានមកដេកទៀត។ ឥឡូវនាងនិងប្តី លែងហ៊ាននៅផ្ទះនេះ ទៀតហើយបានប្រគល់ជូនឪពុកម្តាយក្មេកវិញហើយប្រាប់ថាសុខចិត្តនាំគ្នាទៅដេកក្រោមសំយាបផ្ទះបង ប្អូនក៏បានដែរឱ្យតែបានសុខព្រោះខ្មោចនោះធ្លាប់ទាំងច្របាច់កទះកំផ្លៀងនាងទៀតផងរហូតដល់នាងភ័យ ខ្លាចខ្លាំងទើបលែងហ៊ាននៅ។ បន្ទាប់ពីខ្មោចចេះតែមកលងបន្លាចរាល់យប់បែបនេះពួកគេបានចេញមករស់នៅជ្រកកោនជាមួយម្តាយ ក្មេកជាបណ្តោះអាសន្នសិនដោយទុកផ្ទះនោះចោលនិងត្រៀមរកគ្រូមន្តអាគមខ្លាំងពូកែឱ្យមកបណ្តេញ ខ្មោចស្រីបណ្តើរកូននោះចេញទើបបានសុខ។ ក្រោយពីនាងចេញទៅបាត់ខ្មោចស្រីចងកនោះតែងតែលងបន្លាចក្មេងឃ្វាលគោដែលមកឃ្វាលគោក្បែរៗផ្ទះ នោះធ្វើអោយគេខ្លាចគ្រប់ៗគ្នាមិនមាននរណាហ៊ានមកជិតផ្ទះនោះទៀតទេទោះជាពេលថ្ងៃក៏ដោយ។ នាងក៏បាននិមន្តព្រះសង្ឃមកសូត្រមន្តដេញខ្មោចនោះដែរឃើញថារាងអន់បន្តិចលុះព្រះសង្ឃនិមន្តទៅវិញ បាត់គឺនៅតែលងដដែលជួនកាលលងសង្កត់នាងទូចទាំងថ្ងៃត្រង់ក៏មាន។ខ្មោចចង្រៃនោះពិតជាធ្វើបាប នាងណាស់មិនត្រឹមតែដេញនាងចេញពីផ្ទះទេតែខ្មោចនោះថែមទាំងបានធ្វើនាងឱ្យឈឺទៀតផងជួនកាល វាចួលសណ្ឋិតក្នុងខ្លួននាងហើយពេលខ្មោចចូលម្តងៗនាងទូចតែងតែរវើរវាយយំស្រែកប្រកាច់ប្រកិនពីរ បីនាក់ចាប់មិនឈ្នះគឺខ្មោចចង់យកជីវិតនាងតែម្តងដោយសារតែនាងនិយាយថាមិនខ្លាចខ្មោច។ ដូច្នេះហើយទើបចាស់ៗតែងតែប្រាប់ថាកុំអោយទុកផ្ទះចោលយូរដោយគ្មានមនុស្សនៅចាំហើយក្នុងផ្ទះត្រូវតែ មានរៀបជំនាងផ្ទះមុខផ្ទះមានដាក់ព្រះភូមិដើម្បីថែរក្សាកាពារផ្ទះមិនដូច្នោះទេច្បាស់ជាខ្មោចព្រាយបិសាច ចូលមករស់នៅនាំបង្កហេតុចង្រៃផ្សេងៗជាមិនខាន ។

Read More»

បាន​ខ្មោចជួយ

នេះគឺជារឿងពិតមួយនៅក្នុងឆាកជីវិតរបស់វត្តីដែលនាងមិនអាចបំភ្លេចបានអោយតែនឹកឃើញ ពេលណាធ្វើអោយនាងព្រឺឆ្អឹងខ្នងផងនិងក៏អាចថាជាសំណាងមួយផងដែរ។វត្តីជាក្មេងស្រីក្រមុំរូប ស្អាតម្នាក់រស់នៅខេត្តកំពង់ចាមនៅក្នុងភូមិដែលនាងរស់នៅមានកំលោះចាស់ម្នាក់ដែលមានរូប រាងខ្ពស់ស្រឡះសាច់សមាឌធំអ្នកភូមិគ្រប់គ្នាតែងហៅគាត់ថាពូសង្ហាៗព្រោះ គាត់តែងខ្លួនឡូយ រហូតរបៀបដូចពួកតួខូវប៊យជិះម៉ូតូធំដែលយើងនិយមហៅថាម៉ូតូអាឆ្កែ។ រៀងរាល់ថ្ងៃគាត់តែងតែជិះម៉ូតូកាត់មុខផ្ទះវត្តីជានិច្ចតាំងពីនាងនៅវ័យក្មេងរហូតដល់ធំពេញវ័យ គាត់តែងជិះមករោទិ៍សម្លេងម៉ូតូធំរបស់គាត់ខ្លាំងៗនៅមុខផ្ទះ រួចស្រែកមកសួរថា«អេស្រីស្អាតញ៉ាំ បាយហើយនៅ?»តែមិនដែលនិយាយអ្វីលើសពីនេះទេគឺនិយាយតែប៉ុណ្ណឹង។ ថ្ងៃមួយវត្តីត្រូវបានបងប្រុសនាងហៅទៅភ្នំពេញជួយមើលកូនគាត់ដែលទើបនឹងកើតគ្រាន់បានជា គ្នាជាមួយបងថ្លៃនាងដែលសរសៃខ្ចីផង ព្រោះបងប្រុសនាងជាប់រវល់ធ្វើការងារមិនសូវមានពេល នៅជាប់លាប់។វត្តីទៅភ្នំពេញអស់រយៈពេលជាង៣ខែទើបនាងវិលត្រលប់មកកំពង់ចាមវិញ។ វត្តីទៅដល់កំពង់ចាមនៅពេលព្រលប់ៗទៅហើយនាងបានចូលទៅផ្លាស់សម្លៀកបំពាក់ងូតទឹករៀប ចំញ៉ាំបាយពេលល្ងាច។ ស្រាប់តែពេលនោះសម្លេងម៉ូតូរបស់ពូសង្ហាបានមកដល់ទៀតតែមិនមែន សួរសំនួរដូចរាល់ដងទេគាត់បែរជាសួរថា «ត្រលប់មកដល់វិញហើយហ៍ សុខសប្បាយទេក្មួយ?» នាង ក៏បានឆ្លើយតបទៅវិញថា «សុខសប្បាយទេពូ» រួចពូសង្ហាងាកមកសើចដាក់ហើយជិះម៉ូតូចេញ បាត់ទៅ។ ម្ដាយរបស់វត្តីឮនាងនិយាយខ្លាំងៗបែបនោះ គាត់ឆ្ងល់ក៏ស្រែកសួរនាងថា «តើកូនកំពុងនិយាយជា មួយអ្នកណា?» នាងក៏តបទៅវិញថា «ម៉ែមិនឮសម្លេងម៉ូតូគាត់ទេអី?» ម្ដាយនាងរិតតែឆ្ងល់ក៏សួរ បន្ថែម «សម្លេងម៉ូតូអី?» នាងក៏ឆ្លើយបែបភ្ញាក់ផ្អើលដែរថា «គឺម៉ូតូពូសង្ហានោះអី ដែលគាត់តែង តែមករោទិ៍នៅមុខផ្ទះយើងរាល់ថ្ងៃនោះ» ម្ដាយនាងឮបែបនេះភ្ញាក់ព្រើត ទឹកមុខចាប់ផ្ដើមប្រែប្រួល តែគាត់ក៏មិនបាននិយាយអ្វីតទៀតដែរដោយដឹងថាខ្មោចលងនាងហើយព្រោះពូសង្ហាគាត់បានស្លាប់ ដោយសារខ្យល់គជាង៣ខែហើយហើយថ្ងៃនេះគឺជាថ្ងៃគំរប់១០០ថ្ងៃរបស់ខ្មោចពូសង្ហាទៀតផង។ ព្រលប់ថ្ងៃស្អែកហេតុការណ៍ដដែលបានកើតឡើងម្ដងទៀតពូសង្ហាបានជិះម៉ូតូមករោទិ៍នៅមុខផ្ទះវត្តី ទៀតហើយគាត់បាននិយាយថា «សុខសប្បាយណាក្មួយ» រួចជិះចេញបាត់ទៅ។ គាត់ជិះមកនិយាយ ជាមួយវត្តីបែបនេះបីថ្ងៃជាប់គ្នានាងក៏ចេះ តែឆ្លើយរាក់ទាក់ជាមួយគាត់តាមធម្មតាព្រោះជាទំលាប់ របស់គាត់ទៅហើយ។ ព្រឹកស្អែកឡើងវត្តីបានទៅផ្សារដើម្បីទិញម្ហូបក៏បានឮអ្នកនៅផ្សារនិយាយគ្រប់គ្នាថាខ្មោចពូសង្ហាលង សាហាវណាស់ឃើញនឹងភ្នែកស្រស់ៗតែម្ដង ជិះម៉ូតូពេញភូមិតែម្ដង។ នាងឮបែបនេះឆ្ងល់ណាស់ក៏បាន និយាយទៅកាន់អ្នកផ្សារថា «គាត់ស្លាប់ឯណាមីងបើគាត់មកផ្ទះខ្ញុំហៅខ្ញុំសួរនាំដូចសព្វដងនឹង»។ មីងនោះឮនាងនិយាយបែបនេះក៏បានតបមកទាំងភ្ញាក់ផ្អើលថា «ហ្អាកចុះម៉ែឯងមិនបានប្រាប់ទេអី ថាអាសង្ហាស្លាប់បាត់ហើយនោះ គាត់ក៏បានទៅបុណ្យសពវាជាមួយមីងដែរ»។ ឮគេប្រាប់បែបនេះនាងភ័យតក់ស្លុតយ៉ាងខ្លាំងភ័យចង់លេចនោមដាក់ខោឡើងបះរោមក្រញ៉ាងក៏ បានរត់ត្រលប់មកផ្ទះវិញយ៉ាងលឿនទាំងមិនទាន់បានទិញម្ហូបស្អីផង។ ទៅដល់ផ្ទះនាងបានសួរម៉ែទាំង ត្រហេបត្រហបភ័យញ័រមាត់ថា «ម៉ែៗ ពូសង្ហាស្លាប់ហើយហ៍?» ម្ដាយនាងក៏តបមកវិញថា «អើ! វា ស្លាប់បាត់១០០ថ្ងៃហើយ តែម៉ែមិនហ៊ានប្រាប់ឯងខ្លាចឯងលោះព្រលឹង» នាងស្ដាប់ហើយកាន់តែភ័យលើសដើម។ នៅពេលព្រលប់មកដល់នាងមិនហ៊ានចេញពីផ្ទះទេព្រោះខ្លាចខ្មោចពូសង្ហាលងទៀតតែនាងនៅចាំលួច មើលតាមប្រឡោះបង្អួចផ្ទះថាឃើញពូសង្ហាជិះមកទៀតអត់។ ប៉ុន្តែពិតជាចម្លែកខុសពីរាល់ដងណាស់គឺ គ្មានឃើញអ្វីមកសោះតាមដងផ្លូវស្ងាត់ជ្រងុំសម្លេងឆ្កែព្រុសក៏មិនឮអ្វីក៏មិនឃើញនាងចាំយូរទៅរហូតដេក លក់បាត់។ នាងព្យាយាមចាំលួចមើលរបៀបនេះជាច្រើនថ្ងៃប៉ុន្តែនៅតែមិនឃើញអ្វីសោះ។ ចាប់តាំងពីថ្ងៃ នោះមកក៏លែងមានឮសូរថាខ្មោចពូសង្ហាចេញមកលងអ្នកណានៅក្នុងភូមិទៀតដែរ។ថ្ងៃមួយវត្តីបានចេញ ទៅចូលរួមពិធីមង្គលការមិត្តភក្ដិរបស់នាងនៅភូមិក្បែរនោះ។ លុះដល់ពេលចប់កម្មវិធីនាងបានជិះម៉ូតូ ត្រលប់មកផ្ទះវិញពេលយប់ទៅហើយ នៅតាមផ្លូវស្រាប់តែមានម៉ូតូពួកក្មេងស្ទាវស្រវឹងបើកមកយ៉ាងលឿន សំដៅមករកបុកនាង នាងភ័យស្លន់មិនដឹងជាគេចទៅណាក៏ចាប់ហ្វ្រាំងនៅស្ងៀម បើកភ្នែកធំៗមើលទៅ ម៉ូតូរបស់ពួកស្ទាវដែលកំពុងតម្រង់មកបុកនាង ស្រាប់តែពេលនោះនាងឮសម្លេងម៉ូតូមួយផ្សេងទៀតបើក ភ្លើងហ្វារោទិ៍ង៉ោងៗ ជិះសំដៅមកបុកម៉ូតូពួកក្មេងស្ទាវនោះដួលទៅម្ខាងផ្លូវត្រលប់ត្រលិនមិនដឹងថាស្លាប់ ឬរស់ទេ។ ដែលសម្លេងម៉ូតូនោះនាងចាំច្បាស់ណាស់ថាគឺជាសម្លេងម៉ូតូរបស់ពូសង្ហា។ បន្ទាប់ពីបុកពួកស្ទាវដួលអស់ហើយ នាងក៏ឃើញច្បាស់ថាជាម៉ូតូរបស់ពូសង្ហាមែនមកឈប់ពីមុខនាងរួចងាក មកនិយាយជាមួយនាងថា «ពូភ្លេចលាក្មួយ! ហើយចាប់ពីថ្ងៃនេះទៅក្មួយឯងបានសុខសប្បាយហើយ លែង មានគ្រោះថ្នាក់ហើយ» និយាយរួចពូសង្ហាក៏រោទិ៍ម៉ូតូជិះចេញទៅបាត់ស្រមោលមួយរំពេច។ វត្តីភ្លឹកស្រឡាំងកាំង មួយសន្ទុះ ព្រោះមិនដឹងជាត្រូវភ័យឬក៏ត្រេកអរឡើយ។ ពេលត្រលប់ទៅដល់ផ្ទះវិញនាងបាននិយាយរឿងនេះប្រាប់ទៅម្ដាយនាងលុះព្រឹកឡើងម្ដាយនាងបាននាំនាង ទៅវត្តដើម្បីធ្វើបុណ្យឧទ្ទិសកុសលដល់ខ្មោចពូសង្ហាអោយបានទៅកាន់សុកគតិភព។ ហើយវត្តីក៏មិនភ្លេច អរគុណដល់ខ្មោចពូសង្ហាដែលបានជួយជីវិតនាងអោយរួចផុតពីគ្រោះថ្នាក់លើកនោះដែរ នេះគឺជារឿងដែលនាង ចងចាំមិនភ្លេចក្នុងឆាកជីវិត។

Read More»

រឿងខ្មោចចេកខ្ចី

កាលដើមមានគូរស្នេហ៍មួយគូរដែលពីដំបូងខាងប្រុសតាមស្រលាញ់ខាងស្រីតែម្នាក់ឯងរហូតដល់៣ឆ្នាំ ទើបហ៊ានសំរេចចិត្តសារះភាពស្នេហ៍ប្រាប់គេអោយដឹងពេលនោះខាងស្រីក៏ចាប់អារម្មណ៍ទៅលើខាងប្រុស ដែរដូចនេះពន្លក់ស្នេហ៍ក៏ចាប់ផ្តើមកើតឡើងចេញត្រួយផ្លែផ្ការហូតដល់ទុំមុនស្រគៀលភ្លាត់ភ្លាំងរហូត ដល់មានកូនទាំងវ័យនៅសិក្សាដោយទទួលខុសត្រូវលើការមានកូនបានអ្នកទាំងពីរក៏សំរេចចិត្តយក ចេញ ! ខាងប្រុស : ធីតា បងមិនអាចទទួលខុសត្រូវនៅពេលនេះបានទេព្រោះយើងនៅសិក្សានៅឡើយ ខាងស្រី : បងប៊ី តែអូនភ័យណាស់ ប៊ី : កុំភ័យអីម្តាយមិត្តភ័ក្តិបងជាឆ្មបគាត់ពូកែណាស់ ដោយយល់ឃើញថាមិនអាចទៅរួចធីតាក៏ស្របតាមប៊ីយកកូនចេញពេលយកចេញរួចនាងក៏ចេះតែ ឈឺខ្សោយទៅៗបណ្តាលអោយគ្រួសារយកធីតាទៅពេទ្យទើបរឿងទាំងអស់បែកការ។ឪពុកម្តាយនាងខឹងខ្លាំងណាស់ក៏ជួលពួកជើងកាងទៅសំលាប់ប៊ីចោលដើម្បីកុំអោយធីតាទៅស្រលាញ់ គ្នាជាមួយទៀតព្រោះប៊ីជាកូនអ្នកស្រែ ក្រខ្សត់ មិនសមឋានះគ្រួសារធីតាដែលជាអ្នកមានទាំង លុយនឹងអំណាច។ គ្រានោះនារាត្រីមួយប៊ីកំពុងតែដើរមកពីមើលល្ខោននៅស្រុកតាមផ្លូវស្រាប់តែ មានជើងកាងមួយក្រុមមករករឿងឈ្លោះវាយសំលាប់នៅក្នុងចំការចេក។ បន្ទាប់ពីនោះមកខ្មោចប៊ី ចាប់ផ្តើមចេញលងគេលងឯងផ្អើលអោយតែមានអ្នកណាបេះចេកចេញពីចំការនោះ។ ម្ចាស់ចំការ មិនដឹងត្រូវធ្វើយ៉ាងណាទេព្រោះចំការខ្លួនដាំចេករាប់ហិតាបើចោលគឺវាស្តាយគិតចុះឡើងម្ចាស់ចំ ការក៏ប្រកាសលក់ចំការទាំងអស់ក្នុងតំលៃទាបមួយពេលនោះលោកឆដាដែលជាអ្នកមានមួយរូប នៅក្នុងភូមិក៏ម៉ៅទិញយកទាំងអស់ព្រោះគាត់គឺជាមនុស្សម្នាក់ដែលមិនចេះខ្លាចខ្មោច។ ច្រើនខែក្រោយមកធីតាក៏បាត់ ដំណឹងពីប៊ីឈឹងលែងបានទាក់ទងដាច់ខ្សែរយះហើយនាងចេះតែ នៅសញ្ជុបសញ្ជឹងនៅមិនសុខព្រោះដើររកប៊ីមិនឃើញ ។ ចំណែកឆដាពេលទិញបានដីចំការចេករាប់ហិតាក្នុងតំលៃថោកក៏ចាប់ផ្តើមកោះហៅ មិត្តភ័ក្ត្របង ប្អូនដោយទាំងខ្ញុំស៊ីងព្រានបណ្តូលចិត្តថាំងភូហ៊ួរមកអស់ហើយដើម្បីជប់លៀងសង្កត់ចំការថ្មិ ទើបទិញបានយប់នោះលេងសុទ្ធតាអាបេសេដាក់ទាំងជុងកាប់គោអស់ ២ ផឹកផ្តាំចាស់ដាក់អ័រគេ សរាំគគ្រឹកគគ្រែងផ្អើលភូមិរហូតដល់ម៉ោងជាង១យប់ទើបស្ងាត់នៅតែខ្ញុំដាបណ្តូលចិត្តនិងមិត្តភ័ក្រ ប៉ុន្មាននាក់ទៀតប៉ុណ្ណោះដែរនៅផឹកក្រៅពីហ្នឹងគឺទៅផ្ទះខ្លះដូលដេកអស់គ្មានសល់។ ផឹកយូរៗស្រាប់ តែល្បងដាអោយក្មេងចញ្ច្រាំប្រហុកម៉ាកូនចាន ហើយអោយទៅកាប់ចេកខ្ចីក្នុងចំការមកចុចក្លែម ពេលនោះពួកក្មេងគ្មានពីណាហ៊ានទៅមួយសោះខ្ញុំនឹងបណ្តូលចិត្តក៏ងើបកាន់កាំបិទទាំងភ្នែកមីមីដើរ ទៅកាប់ចេកក្នុងចំការទាំងកណ្តាលអាធ្រាតដោយបណ្តូលចិត្តនាក់កាន់ពិល ។ ចូលដល់ខ្ញុំងាកទៅ ឃើញចេះមួយស្ទងដែលបណ្តូលចិត្តបាញ់ពិលដាក់ផ្លែអោយឡើងថ្លុសខ្ចីល្បមនឹងក្លែមខ្ញុំក៏ដើរចូលទៅ បំរុងនឹងកាប់ស្រាប់តែបណ្តូលចិត្តស្រែថា(ពីណាហ្នឹងឈក្រោមដើមចេញ)ខ្ញុំភ្ញាក់ព្រឺតព្រោះខ្ញុំអត់ឃើញ អីផងអារម្មណ៍ពេលនោះគឺភ័យដែរក្បាលរីប៉ុនកាជើរទៅហើតកស្ងួតចែសញាក់សាច់ទ្រឺតៗតែខំតែអា រម្មណ៍កាត់ចេកយកទៅក្លែមតែមិនទាន់ទាំងបានកាត់ផងស្រាប់តែខ្យល់បកមកវូត្រជាក់ស្រិបបង បណ្តូលចិត្តអត់មានមាត់ម៉ាម៉ាត់រត់ប្រុយខ្ញុំចាំកាល់បានរត់ដែរប្រុយទៅដល់តុផឹកវិញល្បងដាសួរ (ឯណាចេក)បណ្តូលចិត្តតបទាំងញ័រមាត់ : ចេកស្អីអ្ហាអញឃើញខ្មោចនៅក្នុងចំការអាណាហ៊ានកាត់ ឆដា : ស្អីអ្ហាសម័យនឹងហើយនៅខ្លាចខ្មោចទៀតអាស៊ីងអោយកាំបិតមកអញអញទៅកាប់យ៉ាប់ មែនពួកអ្ហែងនេះវ៉ើយ។ ឆដា ឆក់យកកាំបិតពីខ្ញុំហើយដើរចូលទៅក្នុងចំការតែម្នាក់ឯង ចំណែក ពួកយើងមិនហ៊ានដើរទៅតាមនោះទេ មួយសន្ទុះក្រោមមកស្រាប់តែលឺសំលេងស្រែកវ៉ាស់ម៉ាភ្លេតក៏ បាត់ស្រាប់ឃើញដាដើរគៀកក៏ជាមួយប្រុសម្នាក់ហើយដៃកាន់ចេកម៉ាស្ទងមកហើយនិយាយថានែស អាម្នាក់នេះប្អូនពួកម៉ាកអញវាឈ្មោះអាប៊ី។ ដានឹងប៊ីក៏អង្គុយផឹកជាមួយយើង ខ្ញុំងាកមើលមុខ ប៊ីនោះដូចមិនសូវទុកចិត្តសោះព្រោះមិខស្លេកៗហើយបបូរមាត់ឡើងស្វាយខ្ញុំផឹកទាំងភ័យៗពេល នោះយើងជល់កែវគ្នាបានម៉ាប៉ូងហើយដាគេកាច់ចេកចុចប្រហុកហើយខាំទំពារឆ្វាច់ៗមើលទៅ ដូចឆ្ងាញ់ណាស់ខ្ញុំងាកទៅប៊ីគេកាន់កែវហើយលើកផឹងស្រាប់តែស្នាមកគេរយ៉ាស់ហូរឈាមចេញមក កាខ្លាក់ខ្ញុំភ័យភ្ញាក់បះកៅអីទៅក្រោយងាកមើលបណ្តូលចិត្តរត់ឡើងហុយដីទ្រលោម ឯដាវិញនៅ អង្គុយថ្មឹងមើលមុខប៊ី ខ្ញុំស្រែកថា ដា ដា ខ្មោចទេឆាប់រត់ទៅ ខ្ញុំថាមើលទៅប៊ីអស់ពីហូរឈាម តាមកគេអោនក្បាល់មកវិញស្រាប់តែធ្លាក់ក្បាលមកលើតុហើយភ្លែកគេសំលក់ទៅដា ពេលនោះ ដាស្រែកម៉ាទំហឹងហើយរត់ប្រុយនៅខ្ញុំម្នាក់ឯងចាំកាល់បានរត់ដែរ ប្រុយ ។ ស្អែកឡើងដាគេពិបាក ចិត្តណាស់ព្រោះដីដែលគេទិញរាប់សិបហិចតាមានខ្មោច គេក៏ទុកដឺចំការចោលហើយឡើងទៅភ្នំពេញ។ ម្តាយឪពុកដាជាអ្នកមានមុខមាត់ក្នុងសង្គមហើយគាត់បានស្តីដណ្តឹងធីតាដែលជាកូនមិត្តភ័ក្រគាត់ អោយមកដាឆដាក៏ឡើងទៅភ្នំពេញដើម្បីមើលមុខគេនឹងបង្ហាញខ្លួន។ ពេលទៅដល់គ្រាន់តែដា ឃើញធីតាភ្លាមគេចាប់ផ្តើមមានចិត្តស្រលាញ់ភ្លាមព្រោះធីតានាងស្អាតតែធីតាវិញមិនសូវចូលចិត្ តឆដាប៉ុន្មានទេ ។ ក្រោមឆដាត្រូវនាំធីតាទៅស្គាល់បងប្អូនពូមីងនីស្រុក គ្រាននោះធីតាក៏ចេះតែ ដើរៗលេងក៏ទៅដល់មុខចំការចេកនោះឆដាឃើញហើយស្រែកហៅមិនទាន់នាងក៏ដើរចូលទៅក្នុងឯដា វិញមិនហ៊ានចូលទៅតាមទេព្រោះខ្លាចបានត្រឹមតែឈមើលពីចំងាយប៉ុណ្ណោះ។ ដោយនិស្ស័យធីតាជា មួយប៊ីដែលធ្លាប់ជាសង្សានិងគ្នានាងនិយាយទូរស័ព្ទហើយដៃមួយទៅកាន់ឈើចេះតែឆ្កឹះនេះឆ្កឺះនោស្រាប់ តែឆ្កឹះចំដៃរបស់ប៊ីដែលពួកជើងកាងកប់ចេញមកនាងស្រែកឡើងសន្លប់ឆដាលឺសំលេងស្រែកក៏រត់ចូល ទាំងភ័យបីធីតាចេញមក។ ក្រោយមកឆដាក៏ហៅនាក់ភូមិនិងព្រះសង្ឃអោយមកសូត្រមន្តរំដោះគ្រោះ គ្រាយប់ថ្ងៃសូនមន្តនោះឆដានិងធីតាកំពុងអង្គុយនិយាយគ្នានៅរោងក្បែរចំការចេកស្រាប់តែខ្មោចប៊ី ចេញមកហើយនិយាយថាខ្ញុំអស់កម្មអស់ពៀរហើយ ខ្ញុំត្រូវទៅចាប់ជាតិហើយលោកបងដាសូមលោក បងមើលថែរធីតាអោយល្អផងនាងគឺជារាជនីខ្មោចរបស់ខ្ញុំ។ និយាយបានប៉ុណ្ណេះខ្មោចប៊ីក៏រលាយ បាត់ទៅហើយស្អែកឡើងនាក់ភូមិក៏នាំគ្នាកាយសាកសពប៊ីយកទៅធ្វើបុណ្យតាមប្រពៃណីហើយចំការ ចេកក៏លែងមានខ្មោចលងរហូតដល់សាងៃ។

Read More»

រឿងវ៉ៃជាមួយខ្មោច

កាលពីអាទិត្យមុនខ្ញុំបានតៅលេងស្រុកកំណើតរបស់ខ្ញុំនៅឯខេត្តកំពតដើម្បីចូលរួមកម្មវិធីបង្កក់កូន របស់បងស្រីខ្ញុំ។ ពេលយប់ជួបជំុបងប្អូនលោកអ៊ុំរបស់ខ្ញុំគាត់បាននិយាយរឿងខ្មោចដល់រន្ធត់មួយដែល គាត់បានជួបប្រទះអោយខ្ញុំស្តាប់។​

តំណើររឿងមានដូចតទៅមានថ្ងៃមួយនៅវេលាម៉ោងប្រមាណជា៨យប់ រូបគាត់បានទៅទិញប្រេងកាតនិងឆ្លាតមើលទូរទស្សន៍នៅផ្ទះក្មួយដល់ម៉ោងប្រហែល៨យប់ទើបជឲគាត់ ត្រឡប់មកផ្ទះវិញ។​ លុះមកដល់ផ្លូវកែងដែលមានដើមស្វាយធំមួយផងនោះក៏ស្រាប់តែឃើញមានមនុស្ស មាឌធំសម្បុរខ្មៅឃ្លីកឈរស្កាត់ផ្លូវគាត់ដែលដំបូងឡើយគាត់សង្ស័យជាជនពិការភ្នែកម្នាក់នៅក្នុងភូមិ។ គាត់ក៏ស្រែកសួរបែបឆ្ងល់! ហេតុអីបានជាឯងមកឈរនៅទីងងឹតនេះទៅវិញ? ស្រាប់តែមនុស្សមាឌធំ ខ្មៅនោះលោតមកវៃគាត់យ៉ាងញ៉ាប់ដៃ។ដោយមិនអាចទ្រាំនិងទង្វើរបស់មនុស្សមាឌធំនិងបានគាត់ក៏ យកពិលកាន់នៅដៃវ៉ៃទៅលើវាវិញរហូតបែកកញ្ចក់ពិលស្ទើរតែទាំងស្រុងរហូតមនុស្សមាឌធំនោះបាន ខ្សោយកម្លាំងនិងដួល។គាត់ក៏វ៉ៃវាទាល់តែទ្រោមនៅលើដីតែគាត់ក៏ទ្រោមខ្លាំងណាស់ដែរហើយក៏ចេះតែ រកផ្លូវអោយបានមកផ្ទះប៉ុន្តែដោយសារវាមានគ្នាដល់ទៅពីរបីនាក់ឯណោះបានដេអពីក្រោយគាត់រហូត ដល់ផ្ទះ។ ពេលដល់ផ្ទះហើយគាត់ត្រូវបង្ខំចិត្តរត់ទៅផ្ទះគេនៅក្បែរនោះក្រែងមានមនុស្សចុះមកជួយ។ ពេលទៅដល់ផ្ទះមិត្តភក្តិក្បែរខាងគាត់បានស្រែកអោយពួកគេចុះមកជួយ។ ជួយផង! ជួយផងមាន គេចង់ធ្វើបាបខ្ញុំ។ មិត្តភក្តិក្បែរខាងពេលលឺគាត់ស្រែក៏ចុះមកជួយតែគ្មានឃើញមានមនុស្សណាម្នាក់ សោះគាត់គិតថាប្រហែលពួកវារត់ទៅណាបាត់អស់ហើយហើយអ្នកភូមិក៏ជូនគាត់មកផ្ទះវិញ។​​ ពេលឡើងទៅដល់លើផ្ទះខណៈដែកមិត្តភក្តិជិតខាងរៀបនិងត្រឡប់ទៅផ្ទះដើម្បីដេកពួនវិញក៏ស្រាប់ តែគាត់ឃើញមនុស្សមាឌធំខ្មៅម្នាក់នោះមកទៀតហើយស្រែកជំទាលជេរគាត់ហើយបក់ដៃហៅគាត់ អោយចុះមកវ៉ៃគ្នាបន្ត។ គាត់និយាយថាគាត់បានឃើញខ្មោចនោះច្បាស់ក្រឡែតបោយដៃហៅគាត់គាត់ មានអារម្មណ៍ភ័យណាស់ស្រែកអោយគេជួយដោយយកដែចង្អុលទៅវាប៉ុន្តែអ្នកជិតខាងបែរជានឹកឆ្ងល់ ថាគេអត់ឃើញអ្នកណាហេតុអីគាត់និយាយតែម្នាក់ឯងបែបនេះទៅវិញ?ស្រាប់តែរំពេចនោះអាខ្មៅមាឌ ធំនោះបានហោះឡើងលើយ៉ាងខ្ពស់រួចហើយក៏រលាយក្នុងទីងងឹតបាត់ទៅ។ ពេលនោះហើយទើបគាត់ដឹងថាខ្មោចកំពុងលងគាត់ហើយគាត់រឹតតែភ័យខ្លាំងឡើងរីឯអ្នកដែលជូន គាត់នោះឃើញគាត់ភ័យខ្លាចឆ្លេឆ្លាបែបនោះក៏ព្រឺសម្បុរទាំងអស់គ្នាហើយនាំគ្នាទាំងអស់ដើរសំដៅទៅវត្ តអោយព្រះសង្ឃជួយ។ ពេលទៅដល់វត្តព្រះសង្ឃបានសូត្រមន្តរំដោះគ្រោះចង្រៃតាមបែបពុទ្ធសាសនាលុះ

Read More»

រឿងខ្មោចនាងវត្តី

       រឿងមួយនេះបានកើតឡើងអស់រយះពេល​ជាង១០ឆ្នាំមក​ហើយនៅឯខេត្តកំពង់ចាមស្រុកកោះ សុទិន ។ដំបូងឡើយមាន​នារីម្នាក់បានស្រលាញ់គ្នានឹងបុរសម្នាក់ពួកគេស្រលាញ់គ្នាខ្លាំងណាស់តែ ដោយសារភាពសាវារបស់មនុស្សប្រុសពេលដែលបានខ្លួននាងគេក៏ដោះដៃចោលនាងទៅ។ដោយភាពខ្មាស់អៀននឹងភាពឈឺបាប់យ៉ាងខ្លាំងនាងក៏បានសំរេចចិត្តធ្វើអត្តឃាតខ្លួនឯងដោយ លៀបថ្នាំបំពុលសត្វស្លាប់ទាំងវ័យក្មេង។ បន្ទាប់មកសាកសពរបស់នាងក៏បានយកទៅធ្វើបុណ្យតាម ប្រពៃណី។តាំងពីពេលនោះមកក៏មិនមានអ្វីចំឡែកនៅក្នុងភូមិនោះដែរតែជាអកុសលនៅប្រមាណ ជា១០ឆ្នាំ ក្រោយពីការស្លាប់របស់នាងគឺមាននារីម្នាក់ឈ្មោះចិន្តាត្រូវបានខ្មោច ចូលសណ្ឋិត ហើយជា ខ្មោចស្រីម្នាក់ដែរកាចសារហាវទៀតផងនាងគឺនាង វត្តី ដែលបានស្លាប់កាលពី១០ ឆ្នាំមុន។ដោយសារតែគំនុំ​និងក្តីស្រលាញ់ទើបធ្វើអោយប្រលឹងរបស់ខ្មោចនាង វត្តីនៅអន្សាតអន្តែតនៅតាម ដើមឈើអស់រយះពេល១០ឆ្នាំ។​ និយាយពីនាង ចិត្តា ពេលដែលខ្មោចចូលដូចជាមនុស្សឆ្គួតអញចឹង មួយថ្ងៃៗធ្វើខ្លួនលាបម្សៅលាបក្រៀមនិងជេរគេជេរឯងពេញភូមិ។​ ឃើញដូចច្នេះឪពុកម្តាយរបស់ នាង​ ចិន្តា ពីបានចិត្តខ្លាំងណាស់ក៏សម្រេចចិត្តរកគ្រូអោយមកបណ្តេញខ្មោចនាង​ វត្តី ចេញពីខ្លួន កូនស្រីដោយសារតែខ្មោចនាង វត្តី ជាខ្មោចសារហាវនិងពោពេញទៅដោយគំនុំមានគ្រូខ្មោចជាង១០ នាក់មិនអាចធ្វើអ្វីនាងបានឡើយ។ដំណឹងនេះក៏បានលឺដល់លោកមួយអង្គដែលមានបុណ្យបារម្មីណ៍ ខ្លាំងពូកែ គាប់ជួនបត្តេជគុណមួយអង្គនោះម​សូត្រមន្តគេក្បែរភូមិនោះផងលោកក៏ឈៀងចូលទៅ ផ្ទះនាងចិន្តាហើយបានសួរពីតំណើរដើមទង់អំពីររឿងទាំងនេះពេលដែលព្រះតេជគុណដឹងសព្វគ្រប់ អស់ហើយលោកក៏និមន្តសំដៅទៅរកនាងចិន្តាពេលដែលនាងចិត្តាឃើញលោកភ្លាមនាងក៏នៅស្ងៀម។​ហើយលោកក៏និយាយទៅកាន់នាងវត្តីដែលជាខ្មោចក្នុងខ្លួននាងចិន្តាថា។​ ហេតុអ្វីបានជាញ៉ោមឯងមិនទៅចាប់ជាតិ?​ម្តេចក៏នៅធ្វើបានមនុស្សស្លុតត្រង់ដូចនេះ?​ គ្រាន់តែលឺដូចនេះនាវត្តីដ៏បញ្ចេញសំឡេងគួរអោយខ្លាចហើយឆ្លើយថាអញមិនចេញតើឯងចង់ធ្វើ
អីអញ? ពេលនោះលោកក៏អោយឪពុកនាងចិន្តាអុជធុក៥សរសៃរហើយគាត់ក៏ចាប់ផ្តើមសូត្របាលីហើយយក
ចុងធុកចុចចំថ្ងាសរបស់នាងរំពេចនោះខ្មោចនាងវត្តីស្រែកឡើងគ្រលួចគួរអោយព្រឺសំលេងស្រែករបស់
នាងធ្វើអោយផ្អើរអស់នាក់ជិតខាងនាំគ្នាមកមើល។​ ដោយបារមីណ៍របស់ព្រះតេជគុណខ្លាំងបានធ្វើអោយខ្មោចនាង​ វត្តីស្រែកគួរអោយខ្លាចនិងគួរអោយអាសូរតែទោះជាឈឺចាប់យ៉ាងណានាងក៏មិនព្រមចេញពីខ្លួននាង
ចិន្តាដែរ។ ពេល​នោះនាងភូមិសួរនាងតើនាងជាព្រាយមកណានាងក៏បានប្រាប់ថានាងមិនមែនជា ព្រាយទេនាងគឺជាខ្មោច នាង​ វត្តី ដែលបានស្លាប់អស់រយះ១០ឆ្នាំមកហើយលឺដូចនេះនាក់ភូមិក៏ បាននឹកឃើញរឿងនាងវត្តីដែលបានសំលាប់ខ្លួនកាលពី១០ឆ្នាំមុន។ ពេលដឹងឪពុកនាងចិត្តាអង្វរអោយខ្មោចនាង វត្តី ចេញតែនាងមិនព្រមចេញសោះរំពេចនោះលោក ក៏អោយក្មេងម្នាក់ទៅកាត់ធៀងត្រាវអោយលោក
លោកក៏យកធាងត្រាវហើយសូត្របាឡីរួចហើយយកទៅវៃលើខ្មោចនាង វត្តីពេកនោះនាងឈឺចាប់ ខ្លាំងណាស់ស្រែកឡើងគ្រឡួចលឺពេញភូមិ។ ពេលមើលទៅលើខ្លួននាង ចិន្តា ឃើញដុំពកប៉ុនពងមាន់ រត់ទៅរត់មកគួរអោយខ្លាចក្រៃលែងពេលនោះនាងវត្តីក៏ព្រមចេញពីខ្លួនរបស់នាងចិន្តាមុននិង នាងចេញនាងបាននិយាយថាអញនឹងសងសឹង! ពេលដែលនាងចិត្តាដឹងខ្លួនហើយមានសភាពធម្មតាវិញនាក់ភូមិក៏នាំគ្នាទៅផ្ទះរៀងៗខ្លួន។ អស់រយះពេល២ឆ្នាំក្រោយមកព្រះតេជគុណមួយអង្គនោះក៏បានសឹកហើយចំពោះនាងចិត្តាវិញគ្មាន
បុរសណាម្នាក់ស្រលាញ់នាងនោះទេព្រោះនៅក្នុងភូមិគេសុទ្ធតែដឹងរឿងនាងទាំងអស់។​ ថ្ងៃមួយលោកបង​ដែលបានដេញខ្មោចអោយនាងក៏មកលេងនឹងនាងដោយក្តីអាណិតនិងស្រលាញ់ គាត់ក៏ចូលស្តីដណ្តឹងនាងចិន្តាធ្វើជាភរិយា។តែរឿងមួយដែលនឹកស្មានមិនដល់គឺក្រោយពីនាងចិន្តាឆ្លងទន្លេបាន២ខែស្រាប់តែប្តីរបស់នាងត្រូវ
បានខ្មោចនាងវត្តីចូលម្តងហើយមានសភាពខ្លាំងជាងនាងចិន្តាទៅទៀតនេះនាងខំរកគ្រូមើលអស់
ប្រាក់ពីខ្លួនចុងក្រោយនាងក៏សំរេចចិត្តទុកអោយប្តីរបស់នាងនៅម្នាក់ឯងហើយនាងបានទៅនៅជា
មួយនឹងឪពុកម្តាយរបស់នាងប្រហែល១ខែក្រោយប្តីរបស់នាងក៏បានស្លាប់តែមុនពេលស្លាប់នាក់នៅ
ទីនោះបានលឺសំលេងនាង វត្តីសើចនឲមុនពេលដែលប្តីចិន្តាស្លាប់!​ នេះប្រហែលជាការសង្សឹករបស់នាងវត្តីចំពោះព្រះតេជគុណ! ចាប់តាំពីពេលនោះខ្មោចនាងវត្តីក៏បាត់សូន្យលែងលឺចូលសណ្ឋិតនាក់ភូមិទៀតរហូតសព្វងថ្ងៃ។

Read More»

ខ្មោចចាំកំណប់

រឿងមួយនេះបានកើតឡើងនៅក្នុងស្រុកថ្មគោលខេត្តបាត់តំបងកាលពីប្រាំឆ្នាំកន្លងទៅហើយទៅលើ
គ្រួសារអភិជនមួយដែលមានឪពុកឈ្មោះពូផាន់ម្ដាយឈ្មោះមីងសំមានកូនពីរនាក់កូនប្រុសច្បងឈ្មោះ
សុខនិងកូនស្រីពៅឈ្មោះរំដួលជារៀងរាល់ថ្ងៃគ្រួសារពូផាន់រស់នៅដោយមានសេចក្ដីសុខយ៉ាងក្រៃលែង។
ពូផាន់មានមុខរបរជាអ្នកលក់មាសនៅក្នុងផ្សារថ្មគោលនេៈតែម្ដងដែលមានមីងសំជាអ្នកអង្គុយលក់
នៅទីនោះ។នៅយប់នោះពេលដែលពូផាន់និងមីងសំត្រឡប់មកផ្ទះវិញពួកគាត់ក៍អង្គុយបរិភោបអាហារជាមួយគ្រួ
សារជុំគ្នាពេលនោះមីងសំក៍និយាយថាប៉ាវាខ្ញុំចង់ទិញដីមួយកន្លែងសំរាប់សាងសង់ផ្ទះថ្មីពីព្រោះខ្ញុំគិត
ថាផ្ទះយើងឥលូវដូចជាចាស់ណាស់ទៅហើយណាមួយផ្ទះនេះមិនសូវម៉ាំផងដូចនេះខ្ញុំក្លាចមានចោរវាមក
ប្លន់ព្រោះគ្រួសារយើងលក់មាសផង។ពេលនោះពូផាន់ក៏និយាយថាបងគិតដូចនេះដែរតែបងចង់ទុកលុយសំរាប់រកស៊ីមួយរយៈពេលទៀត
សិនព្រោះបើយើងធ្វើផ្ទះត្រូវចំណាយប្រាក់ច្រើនណាស់។ពេលនោះមីងសំក៏និយាយដដែលថា(អូនក្លាចចោរមកប្លន់ផ្ទះយើងណាស់ព្រោះអូនមើលទៅផ្ទះយើង
ឥលូវមិនមានសុវត្ថិភាពសោះណាមួយមុខរបរយើងជាអ្នកលក់មាសទៀត)មីងសំនិយាយមិនទាន់ចប់
ស្រួលផងសុខដែលជាកូនច្បងក៏និយាយថាមែនហើយពុកឥលូវនេះមានចោរប្លន់ច្រើនណាស់រំពេច
នោះរំដួលក៏លាន់មាត់ថានិងហើយពុកឥលូវនេះសំបូរចោរណាស់។ពេលលឺប្រពន្ធកូននិយាយដូចនេះពូផាន់ក៏ព្រមទៅលើសំណើររបស់ប្រពន្ធ។លុះព្រឹកឡើងពូផាន់ក៏ស៊ើបសួរអ្នកនៅក្នុងផ្សារដើម្បីរកទិញដីដើម្បីធ្វើផ្ទះគាប់ជួនមានស្ត្រីម្នាក់យក
ចិញ្ចៀនមាសមួយវង់មកលក់ហើយគាត់បានរំលឹករឿងចង់ទិញដីលឺដូចនេះស្ត្រីនោះក៏ប្រាប់ថានៅក្បែរ
ផ្ទះនាងមានគេចង់លក់ដីមួយកន្លែងដែលមានទំហំ15x40mលក់តែតំលៃ2000$គ្រាន់តែលឺភ្លាមពូផាន់ក៏ឱ្យស្ត្រីនោះជូនទៅមើលដីនោះពេលឃើញដីនោះភ្លាមពូ
ផាន់មានអារម្មណ៍ស្រឡាញ់ដីនោះយ៉ាងខ្លាំងពីព្រោះដីនោះនៅឆ្ងាយពីផ្សារថ្មគោលប្រមាណមួយគីឡូ
ម៉ែតប៉ុណ្ណោះហើយទីនោះមានទេសភាពស្អាតគួរឲ្យចង់រស់នៅក្រៃលែង។ពេលត្រលប់មកដល់កន្លែងលក់ភ្លាមគាត់ក៏ពិភាក្សាជាមួយប្រពន្ធនិងប្រាប់ពីស្ថានភាពដីនោះរយៈ
ពេលប្រហែលពីរម៉ោងចុងបញ្ចប់ពួកគាត់ក៏សម្រេចចិត្តទិញដីនោះ។លុះកន្លងបានប៉ុន្មានសប្ដាហ៍ប្រដាប់ប្រដារគ្រឿងសំណង់និងជាងក៏មកដល់ពួកគេចាប់ផ្ដើមបើកធ្វើ
ការដ្ឋាននៅកន្លែងនោះ។តែជាអកុសលដីដែលកំពុងសាងសង់នេះគឺដីដែលមានខ្មោចស្រីម្នាក់នៅទីនោះដែលខ្មោចស្រីនោះចាំ
កំណប់មិនអាចទៅណារួចឡើយ។ណាមួយផ្ទះមួយនេះពេលធ្វើមិនបានរកគ្រូម៉អ្វីមើលឡើយគ្រាន់តែសែនព្រេនបន្តិចបន្តួចប៉ុណ្ណោះពី
ព្រោះពូផាន់គាត់មិនជឿរឿងខ្មោចអរក្សអ្នកតាអ្វីឡើយ។ថ្ងៃតំបូងនៃការធ្វើផ្ទះនេះគឺបានធ្វើឲ្យជាងម្នាក់មានគ្រោះថ្នាក់បែកក្បាលដោយជាងម្នាក់ទៅអង្គុយ
ផ្អែកខ្នងទៅនិងឥដ្ឋដែរគេរៀបទុកធ្វើផ្ទះធ្លាក់មកចំបុរសម្នាក់នោះដោយមិនដឹងមូលហេតុតែពួក
គេក៏មិនចាប់អារម្មណ៍អំពីរឿងនេះដែរព្រោះជារឿងធម្មតារបស់ជាងសំណង់ទៅហើយ។ពេលសាងសង់ផ្ទះនេះបានប្រមាណជា60ភាគរយបុរស់ម្នាក់ដែលជាជាងធ្វើផ្ទះបានសុប៉ិនឃើញមាន
ស្រីម្នាក់ស្អាតសក់នាងវែងរៀងខ្ពស់ស្តើងគួរឲ្យស្រឡាញ់ជាពន់ពេកដើរចេញពីគ្រឹះផ្ទះនោះតែមុខស្រី
ម្នាក់នោះពោរពេញដោយភាពក្រៀមក្រំនិងសេចក្ដីទុកសោកគួរឲ្យអាណិតបុរសនោះក៏សួរទៅកាន់នារី
ម្នាក់នោះថាតើអ្នកមានរឿងអ្វីបានជាទឹកមុខក្រៀមក្រំម្លេស?ពេលនោះស្រីដែរគួរឲ្យស្រលាញ់នេះនិ
យាយមួយៗនិងពាក្យសំដីយ៉ាងទន់ភ្លន់ថាខ្ញុំពិបាកខ្លាំងណាស់បងលឺដូចនេះបុរសនោះក៏សួរទៅនាង
ភ្លាមថាតើខ្ញុំអាចជួយអ្វីអ្នកបានរឺទេ?បើខ្ញុំអាចជួយបានខ្ញុំនិងជួយភ្លាម ស្រីម្នាក់នោះក៏សួរថាមែនរឺបង?បុរស់ថាមែនរឿងអីអូន?ខ្មោចស្រីក៏និយាយថាបងអើយអូននៅទីនេះ
យូរណាស់មកហើយអូនអត់ដែរបានទៅណាទេព្រោះតែអូននៅចាំកំណប់នៅក្រោមគ្រឹះផ្ទះកំពុងសាង
សង់នេះលូវអូនធ្ងន់ណាស់ព្រោះគេចាក់គ្រឹះចំពីលើក្បាលអូនបើបងជួយអូនបានកំណប់នេះអូននិង
យកជូនឪពុកម្ដាយបងពេលបុរស់នេះលឺដូចនេះក៏សួរភ្លាមថាតើឲ្យបងធ្វើបែបណាទើបជួយអូនបាន?
ខ្មោចស្រីនោះប្រាប់ចង់ជួយអូនស្រួលណាស់គ្រាន់តែបងទៅចាំកំណប់ជំនួសអូនម្ដងវិញអូននឹងរួចផុត
ពីក្ដីទុក្ខនេះហើយពេលបុរស់នេះលឺក៏គិតក្នុងចិត្តថាបើអញចាំកំណប់មានតាអញងាប់គាត់ក៏ប្រកែក
ជាមួយខ្មោចស្រីនោះរហូតភ្ញាក់ពីតំណេក។លុះព្រឹកឡើងគាត់ក៏បានប្រាប់ជាងធ្វើផ្ទះនៅការដ្ឋាននោះទាំងអស់ហើយជាងទាំងអស់នោះសើចនិង
និយាយថាចង់បានកំណប់ដល់ថ្នាក់ដេកយល់សប្ដិផងនិយាយគ្នាហើយជាងទាំងអស់ក៏ទៅធ្វើកិច្ចការ
រៀងៗខ្លួន។ពេលដែលព្រះសូរិយារៀបអស់ស្តង់គត់ពីផែនពុសធានេះទៅស្រមោលនៃរាត្រីកាលក៏ឈានមកដល់ជាង
ទាំងអស់ក៏នាំគ្នាជជែកគ្នាលេងក្រោមពន្លឺព្រះច័ន្ទដែលពេញបរមីគួរជាទីមនោរម្មរំពេចនោះស្រាប់តែ
មានខ្យល់បក់មកយ៉ាងខ្លាំងប្រហែលមួយនាទីខ្យល់ក៏ស្ងប់ទៅវិញស្រាប់តែពេលនោះមានឆ្កែលូរនិង
ខ្លែងច្រាកយំរំពងពេញមេឃា។រាត្រីដ៏សែនមនោរម្មក៏ប្រែក្លាយទៅជារាត្រីដល់សែនព្រឺព្រួចបំផុតរំពេចនោះក៏បានលឺសូរមនុស្សស្រី
ស្រែកល្វើយៗចេញពីការដ្ឋានដែរនៅឆ្ងាយប្រមាណដប់ម៉ែតពីកន្លែងកម្មករស្នាក់នៅដោយលឺឡើង
គ្រលួចថាជួយខ្ញុំផងៗខ្ញុំធ្ងន់ណាស់អ្នកណាគេចាក់គ្រឹះចំពីលើក្បាលខ្ញុំជួយខ្ញុំផងខ្ញុំពិបាកនៅណាស់
នាងបានស្រេចអស់រយៈពេលពាក់កណ្ដាលយប់សំលេងនោះក៏បាត់ទៅវិញដល់ពេលព្រឹកឡើងកម្មករ
ក៏បានប្រាប់ទៅដល់ពូផាន់និងមីងសំដែរជាម្ចាស់ផ្ទះតែពូផាន់មិនជឿទៅលើរឿងបែបនេះទេហើយ
គាត់នៅតែឲ្យជាងធ្វើបន្ត។ស្រាប់តែថ្ងៃមួយដែរមិនគួរឲ្យនឹកស្មានដល់ក៏តើកឡើងចំពោះពូផាន់គឺពូផាន់ក៏បានក្លាយទៅជា
មនុស្សវិកលចារិកដោយមិនដឹងមូលហេតុ។ជារៀងរាល់ថ្ងៃពូផាន់តែងតែដើរក្នុងផ្សារដោយមិនស្លៀកសំលៀកបំពាក់អ្វីទាំងអស់រីឯក្មេងស្រីជំទង់ៗ
ពេលឃើញពូផាន់ម្ដងៗតែងតែរត់គេចចេញពីគាត់គ្រប់គ្នា។ហើយបានមួយរយៈក្រោយមកពូផាន់គាត់តែងតែមកកន្លែងផ្ទះដែរគាត់សង់ថ្មីរបស់គាត់ហើយជីក
រកកំណប់ជារៀងរាល់ថ្ងៃ។មីងសំនិងកូនៗព្យាយាមឲ្យគ្រូពេទ្យព្យាបាលពូផាន់យ៉ាងណាក៏មើលមិនជាដែរដោយមីងសំនិងកូនៗ
ខ្មាស់គេរឿងពូផាន់ពេកមីងសំនិងកូនៗក៏សម្រេចចិត្តទៅនៅផ្ទះយាយនៅឯស្រុកកំណើតចោលពូ
ផាន់បាត់ទៅ។ដោយឡែកពូផាន់គាត់ជីកគ្រឹះសសរផ្ទះជារៀងរាល់ថ្ងៃពីមួយថ្ងៃទៅមួយថ្ងៃដើម្បីស្វែងរកកំណប់អស់
រយះពេលជាងកន្លាស់ឆ្នាំឡើងការដ្ឋានមួយនេះសុទ្ធតែអណ្ដូងដូចជាអណ្ដូងរ៉ែត្បូងនៅបរប៉ៃលិនទៅ
ហើយ។មិនយូរប៉ុន្មានរាត្រីកាលដ៏គួរឲ្យរន្ធត់មួយ បានចូរមកដល់ហើយមជ្ជរាជក៏បានឆក់យកជីវិត្តពូផាន់ដែលជាបុរសកំសត់នេះស្លាប់បាត់ទៅលុះព្រឹក
ឡើងពេលដែលអ្នកស្រុកដឹងថាពូផាន់ស្លាប់ក៏យកសបគាត់ទៅបូជានៅវត្តក្បែរនោះតាមប្រពៃណី ។


តើអ្នកយល់យ៉ាងណាចំពោះរឿងនេះ?តើអ្នកជឿថានៅលើពិភពលោកយើងនេះមានវិញ្ញាណរឺខ្មោច
ដែររឺទេ?សំរាប់ខ្ញុំគឺខ្ញុំជឿថាលើពិភពលោកយើងនេះពិតជាមានខ្មោចនិងវិញ្ញាណអាថ៌កំបាំងប្រាកដ
មែន។សូមអគុណចំពោះការអានរឿងខ្មោចចាំកំណប់នេះពីដើមដល់ចប់បើពេញចិត្តជួយLikeផង។

Read More»